Bazar Seqmentasiyası

Bazar seqmentasiyası şirkətin marketinq strategiyasının tərkib hissəsidir. Beləliklə, şirkət bazarı seqmentlərə bölüb öz hədəf qruplarını (potensial alıcılarını) müəyyənləşdirir.

Hər hansı bir bazarda alıcılar öz istəkləri, qaynaqları, yerləri, satın alma vərdişləri və satın alma mövzularında fərqlilik göstərirlər Seqmentasiya sayəsində şirkətlər böyük, heterogen bazarları kiçik sahələrə bölürlər, bununla da müstərinin unikal ehtiyaclarını ödəyəcək daha məhsuldar və effektiv xidmət göstərərək məmnunluq yaradırlar.

Bazar seqmentasiyası istər istehlakçı, istərsə də sənaye və beynəlxalq bazarlar üçün aparılır və potensial alıcılar müəyyən edilir. Bu seqmentlər müəssisələr, məhsullar, istehlakçılar ola bilər, onları eyni seqmentdə birləşdirən isə hamısının oxşar, ümumi cəhətlərə malik olmasıdır. Bazarın seqmentlərə bölünməsi müxtəlif faktorları nəzərə alaraq, müxtəlif üsullarla həyata keçirilə bilər.

İstehlakçılar yaşadıqları regionun coğrafi xüsusiyyətlərinə, demoqrafik əlamətlərinə(yaş, cins, ailə vəziyyəti, gəlir, təhsil, din, irq, milliyət və s.), psixoloji xüsusiyyətlərinə(hansı sosial sinfə mənsubluğu, həyat tərzi, şəxsiyyəti) və davranışlarına (sədaqəti, statusu və s.) ; məhsullar istifadə etmə qaydalarına, tətbiq sahələrinə, müəssisələr isə özəl və ya dövlət sektoruna mənsubluğuna, həmçinin sənayenin hansı sahəsinə aid olmasına, istifadə etdiyi satış texnikasının növünə və reklam növlərinə görə seqmentlərə ayrıla bilər.

Sənaye bazarı isə bu xüsusiyyətlərdən özünəməxsus olduqlarına əlavə olaraq, satın alma yanaşmaları, vəziyyət faktorları və fərdi xüsusiyyətlərdən də istifadə edir.
Beynəxalq bazarların seqmentasiyasında isə iqtisadi faktorlar xüsusilə də inkişaf səviyyəsi əsas götürülür. Məsələn, hazırda iqtisadi inkişaf səviyyələrinin yüksək olmasına görə Braziliya, Rusiya, Hindistan və Çin beynəlxalq bazar seqmentasiyasında seçilir .

Bazarın rəqabət meydanında müvəffəqiyyət qazanması, hansı seqmentinin hədəf olaraq nə dərəcədə uğurla seçimindən asılı olacaq.

MARKTİCTAC

Bazar Seqmentasiyası